తెలంగాణ సాంస్కృతిక సారథి

కళాకారుల నియామకం

• హైకోర్టు W.P.(PIL)No.320/2017 ద్వారా తెలంగాణ సాంస్కృతిక సారథిలో కళాకారుల నియామక ప్రక్రియపై అభ్యంతరాలు వ్యక్తం చేస్తూ, తిరిగి నోటిఫికేషన్ వేసి, ఇంటర్వూ పద్ధతిన రిక్రూట్ మెంట్ ను ప్రభుత్వ నియమాలు, రిజర్వేషన్ ల ప్రాతిపదికన చేయాలని ఉత్తర్వులు జారీ చేసింది.
• దానిని అనుసరించి ప్రభుత్వం జనవరి 2019 లో కొత్త నోటిఫికేషన్ జారీచేసి, అర్హులైన కళాకారుల ఎంపిక కోసం 6 బోర్డులతో (18 మంది విషయ నిపుణులతో ) మెమో నెం.675/CA/2019, YAT & C Department,Dt:15.05.2019 ద్వారా కమిటీని వేసి ఇంటర్ వ్యూలను నిర్వహించి 550 మందిని ఎంపిక చేసింది.
• రూల్ ఆఫ్ రిజర్వేషన్ అమలులో భాగంగా అనివార్యంగా మొదటి దశలో ఎంపికైన 33 మంది కళాకారులు తమ ఉద్యోగాన్ని కోల్పోయారు. దీంతో ప్రభుత్వం మెమో నెం. 675/CA/2018,dt.:02.07.2021 ద్వారా ఆ 33 మందికి కూడా అవకాశం కల్పిస్తూ ఉత్తర్వులు జారీ చేసింది.
• అలా ప్రస్తుతం తెలంగాణ సాంస్కృతిక సారథి వ్యవస్థలో మొత్తం 583 మంది కళాకారులకు ఉద్యోగావకాశం ఏర్పడింది.
• ఈ కళాకారులు 32 జిల్లాలలో జిల్లాకు సగటున 12-20 మంది చొప్పున కేటాయించడం జరిగింది.
• వీరు ప్రభుత్వ G.O.Rt.No.:33, Dt: 19.01.2016 ప్రకారం నెలకు 25 రోజులు పాటు పనిచేయాల్సి ఉంటుంది.వీరు సంబంధిత జిల్లా పౌర సంబంధాల అధికారి నియంత్రణలో, జిల్లా కలెక్టర్ మార్గదర్శకత్వంలో పనిచేస్తారు.
• వీరి వేతనమును జిల్లా పౌర సంబంధాల శాఖ అధికారి ఇచ్చిన నెలవారీ హాజరు ధృవీకరణ పత్రాన్ని అనుసరించి,తెలంగాణ సాంస్కృతిక సారథి కేంద్ర కార్యాలయం నుంచి నేరుగా ఆయా కళాకారుల బ్యాంక్ అకౌంట్ లలోకే జమచేయడం జరుగుతుంది.
• తెలంగాణ సాంస్కృతిక సారథి కళాకారుల వేతనాలను PRC - 2020ను అనుసరించి 30% పెంచడానికి ప్రభుత్వానికి ప్రతిపాదనలు పంపగా దీనికి అంగీకరించిన ప్రభుత్వం జీవో ఆర్టీ నెంబర్ 24, తేదీ 28-8-2023 ద్వారా ఆదేశాలు జారీ చేసింది.

తెలంగాణ సాంస్కృతిక సారథి కవులు, కళాకారులు రాసిన అభివృద్ధి, సంక్షేమ గీతాలతో "సంక్షేమ స్వరాలు" పేరిట 505 గీతాల పుస్తకాన్ని ప్రచురించడం జరిగింది.

కరోనా సమయంలో ప్రజలలో అవగాహనను పెంపొందించే లక్ష్యంతో జిల్లాకొక యూట్యూబ్ ఛానల్ చొపున్న 33 ఛానెల్ లను రూపొందించి, వాటిలో సాంస్కృతిక సారథి కళాకారులు పాడిన పాటలను, చైతన్య గీతాలను అప్ లోడ్ చేయడం జరిగింది. ఇలా దేశవ్యాప్తంగా 33 యూట్యూబ్ ఛానెల్స్ ఉన్న ఒకే ఒక ప్రభుత్వ సంస్థగా తెలంగాణ సాంస్కృతిక సారథి అరుదైన స్థాయిని సాధించింది.